រាជធានីភ្នំពេញ៖ នៅព្រឹកថ្ងៃអង្គារ ១រោច ខែបុស្ស ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៤ ខែមករា ឆ្នាំ២០២៥ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញជាអធិបតីក្នុងពិធីបើកកិច្ចប្រជុំបណ្ដាញមន្រ្តីអត្រានុកូលដ្ឋាននៅតំបន់អាសុីអាគ្នេយ៍លើកទី២ នៅសណ្ឋាគារ Raffles Hotel Le Royal។
កិច្ចប្រជុំនេះមានការអញ្ជើញចូលរួមពី លោក ចូ សូយ័រ អ្នកសម្របសម្រួលអង្គការសហប្រជាជាតិ តំណាងអង្គការ Vital Strategies ឯកឧត្ដម អគ្គនាយករង លោក លោកស្រី ប្រធាន អនុប្រធាននាយកដ្ឋាន តំណាងក្រសួងសុខាភិបាល និងមន្រ្តីបច្ចេកទេសមកពី១០ប្រទេស នៅតំបន់អាស៊ីអាគ្នេយ៍ ព្រមទាំងដៃគូអភិវឌ្ឍន៍ជាតិ និងអន្តរជាតិជាច្រើនទៀត៕
