អាមេរិកកាន់តែធ្ងន់ហើយ មួយថ្ងៃសោះ ប្រកាសចំនួនអ្នកស្លាប់ ២ ២២៨ នាក់ !

សហរដ្ឋ​អាមេរិក បាន​កត់​ត្រា​ចំនួន​អ្នក​ស្លាប់​ថ្មី ដោយ​សារ​វីរុស កូវីដ១៩ បាន​កើន​ឡើង​រហូត​ដល់ ២ ២២៨ នាក់ ក្នុង​រយៈពេល​ត្រឹម ២៤ ម៉ោង នេះ​បើ​តាម​ចំនួន​បូក​សរុប​ដោយ​មហាវិទ្យាល័យ Johns Hopkins University កាល​ពី​យប់​ថ្ងៃ​ទី ១៤ ខែ​មេសា​កន្លង​ទៅ​នេះ ។

ចំនួន​នេះ គឺ​ជា​ចំនួន​កើន​ឡើង​ខ្ពស់​បំផុត ក្រោយ​ការ​ថត​ចុះ​អស់​រយៈពេល ២ ថ្ងៃ​កន្លង​មក​នោះ ។ គិត​មក​ទល់​ពេល​នេះ វីរុស​កូវីដ១៩ បាន​ឆក់​យក​ជីវិត​ប្រជាជន​អាមេរិក​សរុប​ទូទាំង​ប្រទេស​ឡើង​ដល់ ២៦ ០៤៧ នាក់​ហើយ ដែល​ចំនួន​នេះ លើស​លុប​ជាង​ប្រទេស​នានា​ទាំង​អស់ ។ងាក​មក​ចំនួន​អ្នក​ឆ្លង​ក្នុង​ប្រទេស​មហា​អំណាច​នេះ​វិញ បើ​តាម​វិបសាយ Worldmeters បាន​បង្ហាញ​ឲ្យ​ឃើញ​ថា ត្រឹម​ថ្ងៃ​ទី១៥ ខែ​មេសា​នេះ អ្នក​ឆ្លង​វីរុស​កូវីដ១៩​ក្នុង​សហរដ្ឋ​អាមេរិក​បាន​កើន​ឡើង​រហូត​ដល់ ៦១៣ ៨៨៦ នាក់​ហើយ ៕

 

ប្រភព៖ CNA,Worldmeters

អត្ថបទដែលជាប់ទាក់ទង