គាស់​បន្ទប់​ជួល​លួច​ មិន​បាន​ប៉ុន្មាន​ម៉ោង​ផង​ ក៍ត្រូវ​សមត្ថកិច្ច​ប៉ុស្តិ៍​ស្ទឹង​មានជ័យ​៣​ស្រាវជ្រាវ​ឃាត់ខ្លួន​បាន​

រាជធានីភ្នំពេញ ៖ ​​ជនសង្ស័យ​ម្នាក់​បានធ្វើសកម្មភាព​ គាស់​បន្ទប់​ជួល​ របស់​ប្រជាពលរដ្ឋ​ បាន១យប់​ ​ក៍ត្រូវ​សមត្ថកិច្ច​ប៉ុស្តិ៍​នគរបាល​ស្ទឹងមានជ័យ​៣​ធ្វើការ​ស្រាវជ្រាវ​ ឃាត់ខ្លួន​បាន​តែ​ម្តង​ កាលពី​ម៉ោង​៦ល្ងាច​ ថ្ងៃ​ទី​២៨​ ខែ​មីនា​ ឆ្នាំ​២០២០​ នៅចំណុច​បន្ទប់​ជួល​មួយកន្លែង​ ស្ថិតក្នុង​បរិវេណ​ផ្ទះ​២៨៩​ ភូមិ​ទ្រា​៤​ ផ្លូវ​លំ​ សង្កាត់​ស្ទឹងមានជ័យ​៣​ ខណ្ឌ​មានជ័យ​ រាជធានី​ភ្នំពេញ​ ។

ជនរងគ្រោះ​ ជាម្ចាស់​បន្ទប់​ជួល​ មាន​ឈ្មោះ​ ខាត់​ សុភក្រ័​ ភេទ​ប្រុស​ អាយុ​២៧ឆ្នាំ​ មុខរបរ​ ជាង​ភ្លើង​ ស្នាក់នៅ​បន្ទប់​ជួល​ក្នុង​បរិវេណ​ផ្ទះ​២៨៩​ ភូមិ​ទ្រា​៤​ ផ្លូវ​លំ​ សង្កាត់​ស្ទឹងមានជ័យ​៣​ ខណ្ឌ​មានជ័យ​ រាជធានី​ភ្នំពេញ​ មាន​ស្រុក​កំណើត​ ភូមិ​ត្រពាំង​ខ្ចៅ​ ឃុំ​អូរ​ សារាយ​ ស្រុក​ត្រាំកក់​ ខេត្ត​តាកែវ​ ។

ជនសង្ស័យ​មាន​ឈ្មោះ​ ហួយ​ រី​ ភេទ​ប្រុស​ អាយុ​ ២១ឆ្នាំ​ មុខរបរ​ មិន​ពិត​ប្រាកដ​ ស្នាក់ការ​នៅ​ផ្ទះ​ជួល​ ផ្លូវ​បេតុង​ ភូមិ​ទ្រា​៤​ សង្កាត់​ស្ទឹង​មានជ័យ​៣​ ខណ្ឌ​មានជ័យ​ ។ ដកហូត​ Laptop​ ម៉ាក​ (DELL) មួយគ្រឿង​ជា​របស់​ជនរងគ្រោះ​ និង​ដែក​លួស​សសៃ​មួយ​ (សម្រាប់ឆ្កឹះសោ) ជា​របស់​ជន​សង្ស័យ​ ។

តាម​សម្តី​របស់​ លោក​ ឯម​ ភារី​ នាយ​ប៉ុស្តិ៍​នគរបាល​រដ្ឋបាល​ស្ទឹងមានជ័យ​៣​ បានអោយ​ដឹង​ថា​ មុន​នឹង​ឈាន​ដល់​ការ​ ឃាត់​ខ្លួន​ជនសង្ស័យ​ខាងលើ​បាន​ គឺវេលា​ម៉ោង​ ៨ព្រឹក​ ថ្ងៃ​ទី​២៩ខែ​មិនា​ ឆ្នាំ​២០២០​ លោក​បាន​ទទួល​ពាក្យ​បណ្ដឹង​របស់​ជនរងគ្រោះ​ ឈ្មោះ​ ខាត់​ សុភក្រ័​ ថា​ កាលពី​ម៉ោង​៦ល្ងាច​ ថ្ងៃ​ទី​២៨​ ខែ​មិនា​ ឆ្នាំ​២០២០​ រូប​គាត់​ជាជន​រងគ្រោះ​ បានមកពី​ធ្វើការ​វិញ​ ឃើញ​បន្ទប់​របស់​គាត់​ ចំហ​ទ្វារ​ ហើយ​មាន​ អីវ៉ាន់​រាយ​បាយ​ពេញ​បន្ទប់​ ព្រមទាំង​បាត់​ លេប​ថប​ ម៉ាក​ DELL​មួយគ្រឿង​ ដោយ​សង្ស័យ​ថា​ មាន​ជនសង្ស័យ​ គាស់​បន្ទប់​ចូល​លួច​ ផងដែរ​ ។

លោក​ ឯម​ ភារី​ នាយ​ប៉ុស្តិ៍​នគរបាល​រដ្ឋបាល​ស្ទឹងមានជ័យ​៣​ បានអោយ​ដឹង​ទៀត​ថា​ បន្ទាប់​ពី​ទទួល​បាន​ ពាក្យ​បណ្ដឹង​ របស់​ជនរងគ្រោះ​ភ្លាម​ រូប​លោក​ ក៏​បាន​ដឹក​នាំ​កម្លាំង​ ធ្វើ​ការ​ ស្រាវជ្រាវ​ តាម​ប្រព័ន្ធ​ កាមេរ៉ា​ សុវត្ថិភាព​ របស់​ម្ចាស់​ផ្ទះ​ រហូតដល់​ ម៉ោង​ ៨និង​៤០នាទី​ ថ្ងៃ​ដដែល​ ទើប​បានធ្វើ​ឃាត់​ខ្លួន​ ជនសង្ស័យ​ម្នាក់​ ដែរកំពុង​ដើរ​តាម​ផ្លូវ​ បេតុង​ ភូមិ​ទ្រា​៤​ សង្កាត់​ស្ទឹង​មានជ័យ​៣​ ព្រម​ទាំង​ដក់​ដកហូត​ លេប​ថប​ ម៉ាក​DELL​ មួយគ្រឿង​ ក៍ធ្វើការ​ឃាត់​ខ្លួន​យក​សាក​សួរ​នៅ​ប៉ុស្តិ៍​នគរបាល​ស្ទឹងមានជ័យ​៣​តែ​ម្តង​ ។

នៅ​ចំពោះ​មុខ​សមត្ថកិច្ច​ ជន​សង្ស័យ​បានសារភាព​ ថា​ខ្លួន​ពិត​ជា​បាន​ធ្វើសកម្មភាព​ គាស់​បន្ទប់​ជួល​ លួច​សំភារៈ​ របស់​ជនរងគ្រោះ​ ពិត​ប្រាកដ​មែន​ ។

ក្រោយ​ពេល​កើតហេតុ​ជន​រងគ្រោះ​បានដាក់​ពាក្យ​បណ្ដឹង​ អោយ​សមត្ថកិច្ច​ ចាត់ការ​តាម​និត​វិធី​ច្បាប់​ ចំនែក​ជន​សង្ស័យ​វិញ​ បន្ទាប់​ពី​សាកសួរ​រួច​ហើយ​ ត្រូវ​បាន​សមត្ថកិច្ច​ កសាង​សុំណុំ​រឿង​បញ្ជូន​ទៅ​អធិការ​នគរបាល​ខណ្ឌ​មានជ័យ​ ដើម្បី​ចាត់ការ​បន្ត​តាម​និតិ​វិធី​ ។

ចំណែកសំភារៈ​របស់​ជនរងគ្រោះ​ Laptop​ ម៉ាក​ DELL​ មួយគ្រឿង​ ក៍ត្រូវ​សមត្ថកិច្ច​ ប្រគល់​អោយ​ជនរងគ្រោះ​វិញ​៕

អត្ថបទដែលជាប់ទាក់ទង