ក្រសួង​អប់រំ​ដាក់​ឲ្យ​ដំណើរការ​ច្រក​អេ​ឡិច​ត្រូ​និ​ក​ ក្នុង​ការ​ទទួល​លិខិត​រដ្ឋបាល​ទូទៅ​និង​ឯកសារ​ផ្សេងៗ

ភ្នំពេញ​ ៖​ យោង​តាម​សេចក្ដី​ជូន​ដំណឹង​ស្ដីពី ​ការ​ដាក់​ឲ្យ​ដំណើរការ​ច្រក​អេ​ឡិច​ត្រូ​និ​ក​ក្នុង​ការ​ទទួល​លិខិត​រដ្ឋបាល​ទូទៅ​និង​ឯកសារ​ផ្សេងៗ​របស់​ក្រសួង​អប់រំ​យុវជន​និង​កីឡា ​ដែល​ចេញផ្សាយ​កាលពី​ថ្ងៃ​ទី​២០​មីនា​ បាន​ឲ្យ​ដឹង​ថា​ការដែល ក្រសួង​សម្រេច​ដាក់​ឲ្យ​ដំណើរការ​ច្រក​អេ​ឡិច​ត្រូ​និ​ក​ក្នុង​ការ​ទទួល​លិខិត​រដ្ឋបាល​ទូទៅ​និង​ឯកសារ​ផ្សេង​ដែល​ផ្ញើ​មក​ក្រសួង​អប់រំ​យុវជន​និង​កីឡា​គឺ​ដើម្បី​ចូលរួម​បង្ការ​និង​ទប់ស្កាត់​ការ​រីក​រាលដាល​នៃ​ជំងឺ​កូ​វីដ​១៩​។

​បើ​តាម​ក្រសួង​អប់រំ​ ស្នើ​ឲ្យ​សម្ដេច​ឯកឧត្ដម ​លោកជំទាវ​ ឧបនាយករដ្ឋមន្ត្រី​ ទេសរដ្ឋមន្ត្រី ​រដ្ឋមន្ត្រី​នៃ​គ្រប់​ក្រសួង​ស្ថាប័ន​អង្គភាព​ក្រោម​ឱវាទ​ ក្រសួង​អង្គរ​អង្គការ​ជាតិ​អន្តរជាតិ​សមាគម​និង​សាធារណជន​ទាំងអស់​ផ្ញើ​លិខិត​រដ្ឋបាល​ទូទៅ​និង​ឯកសារ​ផ្សេងៗ​មកកាន់​តេ​ឡេ​ក្រាម​ឬ​វ៉​សា​អាប់​តាមរយៈ​លេខ ទូរស័ព្ទ​០៦៦៨ ២០ ០៤០​។

ក្រសួង​បាន​បញ្ជាក់​ថា ​គ្រប់​ឯកសារ​ទាំងអស់​ត្រូវ​បញ្ជាក់​ឲ្យ​បាន​ច្បាស់​នូវ​សំណួរ អាសយដ្ឋាន​សម្រាប់​ទំនាក់​ទំនង ​ក្នុង​ការ​ក្នុង​ករណី​ចាំបាច់​ទើប​ក្រសួង​ស្នើសុំ​ឯកសារ​ជា ហាត​កូ​ពី ។​
​ក្រសួង​បាន​ឲ្យ​ដឹង​ថា​ក្រសួង​នឹង​ទួល​ឯកសារ​ជា​ហាត​កូ​ពី​វិញ​ខណៈ​ពេល​ដែល​ការ​រីក​រាលដាល​នៃ​ជំងឺ​កូ​វីដ បាន​ធូរស្រាល​៕​

អត្ថបទដែលជាប់ទាក់ទង