ប្រៀបបានដូចជាទេវបុត្រទើបតែចុះមកពីឋានលើ ឬតួអង្គក្នុងរឿងព្រេងបុរាណក្នុងសៀវភៅរឿង តួឯកប្រុស រឿង ភ្លើងត្រជាក់

ចេញផ្សាយ ថ្ងៃទី 28 ខែ ឧសភា ឆ្នាំ 2021 896

លោក ប៉ែន ភក្រ្ដ័សុធារិទ្ធ ក្នុងឈុតបុរាណឆ្នៃថ្មីឈ្មោះ រាហ៊ូ បញ្ចេញសាច់ដុំនិងរាងដ៏សង្ហារទាក់ទាញ។ បើយើងក្រលេកមើលរូបថតប៉ុន្មានសន្លឹកនេះ យើងនឹងឃើញថាទាំងតួប្រុស និងឈុតនេះពិតជាស្រស់ស្អាតសាកសម ហាក់ផុសចេញពីផ្ទាំងសិលាប្រាសាទបុរាណអញ្ចឹង។ ឈុតនេះមានក្បាច់ក្បូររំលេចពណ៌ល្អល្អះ ដែលធ្វើអោយអ្នកឃើញហើយមានចិត្តាចង់គ្រងវាអោយខានតែបាន។ ម៉្យាងវិញទៀត ជនជាតិខ្មែរយើងតែងមានជំនឿលើរឿងបុរាណ ទេវតា អ្នកតាវល្លិ ដែលសុទ្ធសឹងតែមានគេនិយាយតៗគ្នាក្នុងរឿងទេវកថា និងព្រេងកថាជាដើម។ ដូច្នេះហើយទើប ឈុតមួយនេះមានភាពលេចធ្លោខ្លាំង ជាពិសេសពេលមានតួឯកប្រុសដ៏សង្ហារគ្រងទៀត មើលទៅរឹតតែដូចតួអង្គក្នុងរឿងបែបអភិនីហារពិតៗតែម្ដង។