ទៀតហើយ! ជនសង្ស័យម្នាក់ ជាស្រីតែធ្វើខ្លួនជាមនុស្សប្រុស ត្រូវបានសមត្ថកិច្ចចាប់ឃាត់ខ្លួន ពាក់ព័ន្ធករណីរក្សាទុកសារធាតុញៀនដោយខុសច្បាប់

ភ្នំពេញ៖ ជនសង្ស័យម្នាក់ ជាស្រីតែធ្វើខ្លួនជាមនុស្សប្រុស ត្រូវបានសមត្ថកិច្ចចាប់ឃាត់ខ្លួន ពាក់ព័ន្ធករណីរក្សាទុកសារធាតុញៀនដោយខុសច្បាប់ កាលពីវេលាម៉ោង១ និង៣០នាទី រំលងអធ្រាត្រ ថ្ងៃទី​២៨​ ខែកុម្ភៈ ឆ្នាំ២០២០ នៅមុខក្លឹបកំសាន្តស្កាយឌ័រ ក្នុង​ភូមិ​ត្រពាំង​ថ្លឹង​ទី​២ សង្កាត់​ចោមចៅ​ទី​១ ខណ្ឌ​ពោធិ៍​សែនជ័យ​ រាជធានីភ្នំពេញ។

សមត្ថកិច្ចបានឲ្យដឹងថា ជនសង្ស័យមានឈ្មោះ មោះ​ សួរ​ សាវី​ ភេទ​ស្រី​ (ធ្វើ​ប្រុស​) អាយុ​៣១ឆ្នាំ ​មុខរបរ​កម្ម​ករ​ ស្នាក់​នៅ​ភូមិ​ទួល​ពង្រ​ សង្កាត់​ចោមចៅ​ទី​១​ ខណ្ឌ​ពោធិ៍​សែនជ័យ រាជធានីភ្នំពេញ​។

ក្នុងនោះ សម្ភារៈ​ដក​ហូត​រួម​មាន​ ម្សៅ​ស​ក្រាម​ថ្លា​សង្ស័យ ​ជា​សារធាតុ​ញៀន​ចំនួន​២កញ្ចប់​តូច​ និង​ ទូរស័ព្ទ​អ៉ិន​ចុច​ពិល​មួយ​គ្រឿង​។

បច្ចុប្បន្ន​ជន​សង្ស័យខាងលើ ​កំពុង​ឃាត់​ខ្លួន​បណ្ដោះ​អាសន្ន​នៅ​អធិការ​ខណ្ឌ​ដើម្បី​កសាង​សំណុំ​រឿង​បញ្ជូន​ទៅ​កាន់​តុលាការ​ចាត់ការ​តាម​ផ្លូវ​ច្បាប់ ៕

អត្ថបទដែលជាប់ទាក់ទង