ជំនាញមន្ទីរប្រឆាំងគ្រឿងញៀនបង្រ្កាបបានជនសង្ស័យម្នាក់ ជាមួយនឹងគ្រឿងញៀនមួយកញ្ចប់ធំ ប្រមាណជាង ១គីឡូក្រាម

(ភ្នំពេញ)៖ កម្លាំងជំនាញ (ក៧) របស់មន្ទីរប្រឆាំង បទល្មើសគ្រឿងញៀន ដឹកនាំដោយឧត្តមសេនីយ៍ទោ សឿង ណុល នាយករងមន្ទីរប្រឆាំងគ្រឿងញៀន និងមានការសម្របសម្រួលពីលោកព្រះរាជអាជ្ញារង សឿន មុនីរ័ត្ន បានបើកកិច្ចប្រតិបត្តិការ ស៊ើបអង្កេត ស្រាវជ្រាវ បង្រ្កាបបានជនសង្ស័យម្នាក់ ជាមួយនឹងគ្រឿងញៀនមួយកញ្ចប់ធំ ប្រមាណជាង ១គីឡូក្រាម ដែលប្រតិបត្តិការបង្ក្រាបនេះ ធ្វើឡើងនៅយប់ ថ្ងៃទី០៤ ខែមិថុនា ឆ្នាំ២០២០ នៅបណ្តោយផ្លូវម៉ៅសេទុង ត្រង់ចំណុច ស្តុបម៉ុងឌីយ៉ាល់ ស្ថិតក្នុងសង្កាត់ផ្សារដើមគរ ខ័ណ្ឌទួលគោក រាជធានីភ្នំពេញ។

បើតាមការបញ្ជាក់របស់លោកឧត្តមទោ អ៉ិន សុង នាយករងមន្ទីរប្រឆាំងគ្រឿងញៀន បានថ្លែងកាលពីថ្ងៃទី០៧ ខែមិថុនា ឆ្នាំ២០២០នេះថា ជនសង្ស័យម្នាក់នេះ មានឈ្មោះ ឈួន ប៊ុនគង់ ភេទប្រុស អាយុ២៩ឆ្នាំ ជនជាតិខ្មែរ ដោយចាប់យកវត្ថតាង គ្រឿងញៀនមេតំហ្វេតាមីនប្រភេទទឹកកក (ICE) ទម្ងន់សុទ្ធ ១០០៤,៦៧ក្រាម និងទូរស័ព្ទចំនួន០១គ្រឿង។ ជនសង្ស័យត្រូវបានកសាងសំណុំរឿង បញ្ជូនទៅតុលាការ៕

អត្ថបទដែលជាប់ទាក់ទង