កុំយកលេសធ្វើបាតុកម្ម ដើម្បីឆ្លៀតឱកាសលួច ឆក់ ប្លន់ បង្កហិង្សា ឬប្រព្រឹត្តបទឧក្រិដ្ឋណាមួយឲ្យសោះ, កម្លាំងអាវុធហត្ថរាធានីភ្នំពេញ បានត្រៀមអស់ហើយ ដើម្បីបង្ក្រាប និងអន្តរាគមន៍

(ភ្នំពេញ)៖ កម្លាំងអាវុធហត្ថរាជធានីភ្នំពេញ បានចូលរួមសហការជាមួយគណៈបញ្ជាការឯកភាពរាជធានីភ្នំពេញ និងកម្លាំងនគរបាលរាជធានីភ្នំពេញ ធ្វើការល្បាត ត្រួតពិនិត្យ ដើម្បីបង្ការ និងបង្រ្កាបបទល្មើសគ្រប់ប្រភេទ ជាពិសេសត្រៀមអន្តរាគមន៍ បង្ក្រាប និងទប់ស្កាត់ក្រុមចលនាជ្រុលនិយមទាំងឡាយណា ដែលមានបំណងបង្កចលាចលក្នុងសង្គមបំផ្លាញ សុខសន្តិភាព សន្តិសុខសណ្តាប់ធ្នាប់របស់កម្ពុជា។

ជាមួយគ្នានេះ កម្លាំងអាវុធហត្ថក៏បានត្រៀមខ្លួនរួចហើយដែរ សម្រាប់កិច្ចអន្តរាគមន៍ និងបង្ក្រាបភ្លាមៗចំពោះបទល្មើសលួច ឆក់ ប្លន់ បង្កអំពើហិង្សា និងប្រព្រឹត្តបទឧក្រិដ្ឋណាមួយ ដែលក្រុមឆ្លៀតឱកាសនៅពេលនេះ៕