ទីក្រុងកង់បេរ៉ា ៖ នៅព្រឹកថ្ងៃទី១៣ ខែមិថុនា ឆ្នាំ២០២៤ នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ បានអញ្ជើញដឹកនាំគណៈប្រតិភូជាន់ខ្ពស់ក្រសួងមហាផ្ទៃកម្ពុជា ជួបពិភាក្សា និងស្តាប់ការធ្វើបទបង្ហាញស្តីពីកម្មវិធីអន្តោប្រវេសន៍ ដោយផ្តោតទៅលើយុទ្ធសាស្ត្រទេសន្តរប្រវេសន៍និងកំណែទម្រង់កម្មវិធីទិដ្ឋាការនៃប្រទេសអូស្ត្រាលី សុចរិតភាពនិងអនុលោមភាពទិដ្ឋាការ និងការវិនិយោគលើវិស័យធុរកិច្ចនិងទេសន្តរប្រវេសន៍របស់និយោជិតជំនាញ ជាមួយភាគីអូស្ត្រាលី ដែលដឹកនាំដោយលោក Damien Kilner នាយកគ្រប់គ្រងស្តីទី នៃក្រុមប្រតិបត្តិការអន្តោប្រវេសន៍ នៅទីស្តីការក្រសួងមហាផ្ទៃអូស្ត្រាលី។
