ខេត្តព្រៃវែងោ៖ ថ្ងៃពុធ ៥ រោច ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ត្រូវនឹងថ្ងៃទី ២៦ ខែ មិថុនា ឆ្នាំ ២០២៤ នគរបាលខេត្តព្រៃវែងបានចូលរួម ពិធីអបអរសាទរ ទិវាអន្តរជាតិប្រយុទ្ធប្រឆាំងគ្រឿងញៀន ក្រោមប្រធានបទ " រួមគ្នាវិនិយោគលើការបង្ការ ទប់ស្កាត់ និងលើកកម្ពស់ការអប់រំ ដើម្បីសហគមន៍គ្មានគ្រឿងញៀន" ក្រោមអធិបតីភាពដ៏ខ្ពង់ខ្ពស់ ឯកឧត្តម សួន សុម៉ាលីន អភិបាល នៃគណៈអភិបាលខេត្តព្រៃវែង ។
ក្នុងឱកាសនេះដែរ ក៏ទទួលបានការអញ្ជើញចូលរួមពីសំណាក់ អស់លោក-លោកស្រី ជាមន្ត្រីរាជការតាមក្រសួងមន្ទីរជុំវិញខេត្ត កងកម្លាំងទាំង៣ លោកគ្រូ-អ្នកគ្រូ សិស្សានុសិស្ស យុវជន-យុវនារីជាច្រើនរូបផងដែរ ។ ពិធីនេះប្រារព្ធឡើងនៅបរិវេណសួនច្បារ សម្ដេចក្រឡាហោម ស ខេង ដែលស្ថិតនៅក្នុងភូមិលេខ១ សង្កាត់កំពង់លាវ ក្រុងព្រៃវែង ខេត្តព្រៃវែង ៕
